Хангыль – кәріс халқының төл жазуы. Хангыльді ұлы Седжонг патша ойлап тауып, ол 1443 жылы «Хунминчжоным» (мағынасы: халықты дұрыс дыбыстарға үйрету) деген кітапта басылып шықты. Хангыльдегі 17 дауыссыз дыбыс сөйлеу мүшелерінің (ауыз, таңдай, тіл, көмей) артикуляциялық қалпына сай келсе, 11 дауысты дыбыс адам денесі, аспан мен жердің пішінін қайталайды. Қазіргі таңда хангыльде барлығы 24 әріп бар, оның 14 - дауыссыз дыбыс, 10 - дауысты дыбыс. Хангыль 1997 жылы ЮНЕСКО Әлемдік мұра нысаны қатарына қосылды.