"Кәріс мәдениеті" топтамасындағы саранбан экспозициясы - сонбидің үй-жайы мен күнделікті қолданылатын заттары бейнеленген дәстүрлі кәрістер үйі ханок жайлы көрмелік экспозиция. Саранбан экспозициясы өнер туындыларын үйреніп, олардан рақат алған сонбидің ізгі қасиеттері мен идеалдары жайлы түсінік береді.
Кітаптар мен жазба құралдары бейнеленген бёнпхун
Үстел
Жазу құралдары
Қылқаламдарды іліп қоятын ілгіш
Шамдал
Кестелі әшекей
Жоғары тап санатындағы ер адамдар үй ішінде киетін бас киім
Үрмелі аспап
Садақ, жебе
"Өлең мен проза жиынтығы"
Саранбан
Бёнпхун - бөлмені желден ықтау үшін, бөлмені өзгелерден тасалау үшін немесе ішкі көрініс бұйымы ретінде қолданылған. Кітаптар, жазба құралдары мен күйіктастан жасалған бұйымдар бейнеленген "чхеккадо бёнпхун" ер адамдар уақытының басым бөлігін өткізетін саранбанға қойылған.
Саранбан
Жерде отырып кітап оқу немесе жазу жазу үшін қолданылатын үстел. Негізінен саранбанда сабақ оқығанда қоланылатын, сонымен қатар қонақ күткенде үй иесінің шекарасын белгілеп, саранбандағы басты жиһаз болған.
Саранбан
Мунбансау "жұмыс бөлмесінің төрт құнды заты" дегенді білдіреді, олар: қағаз, қылқалам, сия мен сиясауыты. Бұл құралдарды "жазушының ең жақын достары" деп атаған.
Саранбан
Жазу немесе кескіндеме үшін қолданылатын қылқаламдарды кептіріп іліп қоюға арналған ұстағыш. Көлденең орналасқан қылқалам ілетін бірнеше ілгегі болады.
Саранбан
Балауыз шамды қоюға арналған шырақ құрылғысы ретінде негізінен ағаштан немесе металлдан жасалады. Балауыз шамды шаншуға арналған қысқа тұғыры, шамның майын алатын тәрелке, шамның жарықтығын теңшейтін, желден қорғап тұратын арнайы қалқаны болады.
Киімі тырна суретімен әшекейленген шенеунік Ли Со Гудың портреті - Кореяның ұлттық мұражай жәдігері
Саранбан
Хюнбэ - Чосон дәуіріндегі патша әулеті мен шенеуніктер киімінің кеудесі мен арқасына кестелеп тігілген жібек жапсырма. Негізінен жолбарыс пен тырна бейнеленген. Ел басқару ісімен айналысатын шенеуніктің хюнбесіне тырна, әскери істерді басқаратын шенеуніктің киіміне жолбарыс кестелеп тігілген.
Чончжакван киген Ким Чже Доктың портреті
Саранбан
"Садэбу" жоғарғы тап санатындағы ер адамдары үй ішінде киетін бас киім. Чончжакван тау пішіндес болып келіп, 2 немесе 3 қабат етіп тігіледі. Қабаты көп болған сайын бас киімнің көркіне көрік қосылады.
Саранбан
Кореяның дәстүрлі үрмелі аспаптарына тэгым, тансо, хянпхири және тхэпхёнсо жатады. Тэгым үлкен флейтасының дыбысы тұнық әрі диапазоны кең болғандықтан басқа аспаптармен бірге үндескенде жетекші орынға ие болады.
Садақ ату (Ким Хон До) - Кореяның ұлттық мұражай жәдігері
Саранбан
Чосон дәуірінде садақ ату әскери шенеунік болу үшін өтуге тиіс сынақтардың бірі болды. Алайда сонбилер де дене қуатын арттырып, зейінін шоғырландыру үшін садақ ату шеберлігін жетілдірді.
Сугедоквон (Ю Сук)
Саранбан
Корей дәстүрлі қоғамының зиялы қауым өкілдері - сонбилер жиналып, өлең жазып, сауық-сайран құрған бейнеленген кескіндеме. Суретте допхо мен кат киіп, жазушылар кездесуінде өлең оқып немесе мәтін жазып отырған сонбилерді көруге болады. Сондай-ақ мүштік тарту әлеуметтік қатынас құралы болған.
